Espertanto

lampo en moskeo, mallumo en-hejme

2006-05-15T16:36:00.000+03:30

Tiel estas la regulo de la mondo: iam ghojo kaj felicho, iam doloro kaj mizero.
La supra poemeto estas mia libera traduko el la longa poemo de irana poeto, Ferdousi.
Shajnas ke nuntempe en Irano regas la dua regulo de tiuchi frazo. La regantoj de la lando ne nur fermas siajn okulojn al mizeroj de la homoj enlande, ili serchas eksterlande por skribi leteron kaj plendi regantojn de aliaj landoj kaj inviti ilin al justeco. Mi kiel Iranano hontas pro la letero de nia prezidento al usona prezidento. Mi unue volas ke nia prezidento respondu al la samaj demandoj kiujn li skribis en sia letero. Demandi estas facila, sed respondi kunportas respondecon. Nia shtato unue respondu enlandajn problemojn kaj poste rigardu eksterlande por serchi problemojn. Estas proverbo en Persa: Lampo bezonata enhejme, oni ne portu al moskeo.

Nova Jaro, Nova komenco

2006-04-12T14:35:00.000+03:30

Post prekau unu monato mi revenis. Dumtempe mi vojaghis tra la lando je 5300 kilometroj. Estis longa, tamen interesa kaj aventura vojagho. Longa ferio kaj bona vetero helpis por ke mi realigu unu de miaj deziroj por veturi sude-oriente de Irano.

Nova jaro kaj ferioj

2006-03-18T14:32:00.000+03:30

Alproksimighas la nova jaro; restas nur kelkaj horoj ghis la fino de la kuranta jaro. La nova jaro en Irano komensighas dimanghe je la 21:55:35. Do, nur restas iomete pli ol 48 horoj ghis la nova jaro. Dum la ferioj (du semajnoj) mi vojaghos sude de Irano. Do, ne eblus por mi skribi kaj renovigi tiunchi blogon. Pere de tiuchi mia lasta skribo chijare, mi esprimas miajn plej korajn salutojn kaj bon-dezirojn. Al Chiuj Esperantistoj tra la mondo: FELICHAN NOVAN JARON.

Pri montgrimpado kaj Armenio

2006-03-11T13:38:00.000+03:30

Post interparolo kun amikoj, nun iomete pli detale mi povas diri pri la plano por grimpi al Damavand. Ni planos por Augusto, Post la chijara UK. Mi esperas ke tiuchi ekskurso plejbone realighos.
Esperantistoj en Armenio planis unu semajnan programon por instrui Esperanton en chiuj niveloj. La kunveno okazos en Julio kaj chiuj povas partopreni. Se vi interesas, do ne hezitu por alighi.

diverse

2006-03-01T22:30:00.000+03:30

Nun mi konkludas ke estas malfacila skribi regule pli malfacilas tion fari ĉiutage. Tamen mi klopodos tion fari. Tiujĉi tagoj mi estas ege okupita en mia laboro.
La polítika situacio de Irano iom post iom malboniĝas kaj malklariĝas. Mi esperas ke Irana dosiero en Sekureca Konsilio kunportas bonajn atingojn por ni kaj ne kaŭzos pligrandajn problemojn.
Baldaŭ la oficejo de IREA translokiĝos al nova adreso. Ĉu en la nova loko ni havos novajn fortojn ankaŭ. Mi esperas pri tio, car ni vere bezonas tion.

Montgrimpado venontsomere

2006-02-19T13:50:00.000+03:30

Nia plano por grimpi Damavand pinto tri jaroj antaue estis sukcesa kaj interesa. Mi intencas proponi ke ni denove grimpu la pinton venont-somere. Se iuj interesas pri la afero, tion anoncu por ke ebla planado povas realighi.

Kompari diversajn lingvojn

2006-02-14T13:31:00.000+03:30

Hierau mi vizitis retpagharon pri lingvo-lernado: "kiel lerni lingvojn". En la pagharo mi trovis paghon pri la komparo de diversaj lingvoj. La komparo estas interesa kaj informdona. En la pagharo oni povas trovi aliajn utilajn informojn pri lingvo-lernado. Aparte estis interesa la informoj pri lau mi nekonata mult-lingvulo (poligloto) kiu sciis 40 lingvojn. Vi povas legi pliajn informojn pri li chitie. Nur bedaurindas ke la pagharo estas en angla lingvo.

post du semajnoj

2006-02-12T14:25:00.000+03:30

Post du semajnoj nun mi denove povas skribi kaj renovigi la blogon. Dum la pasintaj du semajnoj mi partoprenis en kurso pri komputilaj aferoj. Kaj pasint-semajnfine mi vojaghis al Esfahano, mia naskigh-urbo.
Hodiau mi pripensis organizi la retpagharon de nia revuo tiel ke chiuj abonantoj de la revuo povas vidi siajn informojn kaj chiuj povas esti informita pri la nombro kaj stato de la abonantoj. Chu por iu Esperanto gazeto tiuchi propono estas utila au ne, mi ankorau devas pensi plu.

Malprogreso

2006-01-30T22:42:00.000+03:30

Hodiaŭ post-tagmeze laŭplane prelegis S-ro Kheirkhah pri Tajvano. La programo okazis en la Esperanto-klubo. Estis bedaŭrinde ke tre malmultaj partoprenis la programon. Eĉ S-ro Kheirkhan ne atendis tiun malgrandan aŭskultantaron. Ni eĉ iom parolis pri kiel ni povas varbi pli aktivajn Esperantistojn. Se ni antaŭeniras ĉitiel, post nelonge neniu restas por la movado en Irano. Nova sento kaj forta voko estas bezonata.

Mia kurso pri datumbazoj

2006-01-29T21:25:00.000+03:30

Por du semajnoj mi devus partopreni kurson pri Solaris kaj Oracle. Estas interese ke mi antaue sciis preskaŭ nenion pri tiujĉi du temoj. Do, estas tute nova kaj tempobezonata kurso por mi. Eblas ke dum tiuĉi du semajnoj mi ne povos meti ion novan ĉitie.
Morgaŭ en la oficejo de IREA (Irana Esperanto Asocio) prelegos esperant-lingve S-ro Reza Kheirkhah pri Tajvano. La prelego okazos je la 6-a horo post-tagmeze.

Irana Esperantisto N-ro 12 jam eldonita

2006-01-25T14:08:00.000+03:30

La 12-a numero de la revuo Irana Esperantisto Hodiau pretiĝis kaj estas preta por disdoni. Tiuĉi numero kiu publikiĝas iom malfrue estas ĉefe pri la ĉijara UK en Litovio. La revuo konsistas el du partoj, persa kaj Esperanta.

La Forto de Vorto

2006-01-24T20:03:00.000+03:30

Mia unua teksto prenita el levilkarto de "Movado Sen Nomo"(n-ro 1, 2003):

same facilas eldiro
de vorto tenera
kaj ege kolera
...sed mala estas ilia efiko

viaj propraj vortoj
povas detrui aŭ konsoli,
humiligi aŭ konsili,
helpi aŭ dolori

viaj propraj vortoj
povas havi efikon
bagatelan aŭ gigantan,
karesan aŭ pikantan

do kiam vi parolas
(aŭ aliajn aŭskultas)
pensu pri
la forto de vorto.